مجرد احساس فى لحظه جنون

مجرد إحساس في لحظة جنون


لما حبيتك وعشقتك وهويتك

في عينيكى شفت احلامي

وبين إيديكى نسيت حزني وآلامي

وبكلمة بحبك لقيت الدنيا عيد

وإتولد جوايا إحساس جديد

لكن برجع وأقول دا يمكن يكون

مجرد إحساس في لحظة جنون


بنظره مشاعري راحت ليكى

وبورده حمرا إرتبطت بيكى

لما تزعليني كنت بشكيلها

ولما بشتقلك كنت بحكيلها

وأحس إن الورده بتسافر ليكى

وترجع وتطمن قلبي عليكى

لكن برجع وأقول دا يمكن يكون

مجرد إحساس في لحظة جنون


كنت بتخيل وأتخيل

لحد ما الدنيا تليُل

واشوف القمر آلاقي صورتك بضياه

ونجمه في السما كاتبه إسمك جواه

وأسرح وفكري يروح لبعيد

وأحس إن قلبي جوايا سعيد

لكن برجع وأقول دا يمكن يكون

مجرد إحساس في لحظة جنون


ومرت أيام والنوم مفارق عيني

صابر يمكن في يوم تجيني

ويكون لقائنا من غير ميعاد

ونطفي في قلوبنا شوق البعاد

وأحس إن الدنيا بتقسى عليا

وأقول برجوعك هتصفى ليا

لكن برجع وأقول دا يمكن يكون

مجرد إحساس في لحظة جنون


وفرقتنا أيام وليالي وسنين

وكل يوم بيكبر جوايا الحنين

حنين لعمرنا وحبنا وهوانا

في لحظة وداعنا وفي لحظة لقائنا

عمري ما إتصورت إن الدنيا ديه

تدخلني دنيا الغرام مجرد ضحيه

وآلاقي قلبي بيلومني بعتاب

لحب حبيته وأصبح سراب

لكن برجع وأقول حبي ليك لا يمكن يكون

مجرد إحساس في لحظة جنون